في بداية المقال خليني ارحب بيك واقولك لك اهلا بيك في سكوب حيث المحتوي العربي، القيم، المجاني في هذا المقال سوف نتحدث عن طريقة عمل خطة تسويقية لوسائل التواصل الاجتماعي.علي افتراض إنك عامل تحليل للسوق، والمنافسين لشركتك، ومحدد البيربيسونا بتاعتك. يعني عارف السوق وراسة كويس وكمان عارف مين هما منافسينك سواء كان منافس مياشر أو غير مباشرن واخيرا محدد مين هو الجمهور المستهدف بتاعك وعامل بير بيرسونا.

ماذا يقصد بمصطلح البير بيرسونا؟

مصطلح البير بيرسونا يقصد به في اللغة العربية شخصية العميل، ودي بتكون عبارة عن شخصية اعتباريه – خيال يعني – أنت كمسوق أو حد شغال في مجال السوشيال ميديا ماركتنج بتعملها بهدف انها تخليك تفهم اكتر العميل بتاعك، وبالتالي تقدر تحدد مين هو العميل وبالتالي بيكون في سهوله في انك تستهدف العميل ده سواء من خلال المحتوي أو من خلال الاعلانات.وهنا هقولك علي 5 خطوات أساسيه تقدر من خلالهم تعمل خطة السوشيال ميديا بتعتك.

خطوات عمل خطة تسويقية على وسائل التواصل الاجتماعي:

1- الأهداف – Objectives:

أول خطوة عشان تقدر تعمل استراتيجية لوسائل التواصل الاجتماعي بتاعتك – هي انك تحدد هدفك من التواجد على السوشيال ميديا، والأهداف دي ممكن تكون:

• تفاعل
• زيادة مبيعات
• الوعي بالعلامة التجارية
• بناء مجتمع أو جمهور
• مجرد تواجد على السوشيال ميديا

فأول خطوة بتعملها هنا أنك بتحدد ما هو الهدف من تواجد البرند الخاص بيك على وسائل التواصل الأجتماعي، ولنفترض ان هدفك هو زيادة المبيعات.

2- القنوات التسويقية:

وهنا انت بتحدد اي من القنوات التسويقية اللي هتشتغل عليها، يعني بتحدد ما هي وسائل التواصل الاجتماعي التي سوف تتواجد عليها فمثلا، الفيس بوك – الانستجرام – تويتر – اليوتيوب وهذا لا يتم بشكل عشوائي وانما بناء على تحليلك للمنافسين وطبيعة الجمهور المستهدف وايضا قدرتك كشركة على التواجد على هذه المنصة.فلو أن جمهورك مثلا موجود على الفيس بوك والانستجرام واليوتيوب، من المفترض ان يكون لك تواجد على كل هذه المنصات ولكن لو أن قدرة الشركة وامكانيتها غير قادره على صناعة الفيديوها لليوتيوب فهذا يعني انك لن تكون متواجد على منصة اليوتيوب في الوقت الحالي وإنما تواجدك على كل من الفيس بوك والانستجرام.

3- المحتوى:

هنا بتحدد المحتوي اللي هينزل علي كل قناة تسويقية، وكمان هتحدد عدد البوستات اللي هتنزل علي كل بلاتفورم من اللي انت اخترتهم.فـ مثلا هنقول:أنا هشتغل علي الفيس بوك، والانستقرام، واليوتيوب – كده أنا أخترت القنوات التسويقية.هنزل علي الفيس بوك 20 بوست على مدار الشهر بمعدل 5 بوست كل أسبوع – البوستات دي هتمشي مثلا على قاعدة 20 : 80 يعني 20% منها ببيع المنتج أو الخدمة بتاعتي و 80% هيكون محتوى غير بيعي – وهيكون مثلا تفاعلي، هقدم معلومات للمتابعين، هقدم ليهم نصائح .. وهكذاالبوستات اللي هتنزل هتكون منها مثلا 2 فيديو – 2 صورة GIF – 2 بوست مكتوب – والباقي 14 بوست هيكونوا صور.. ده علي سبيل المثال.

4- الوقت:

الوقت هيكون مثلا الساعة 4 عصر أو 10م، والوقت تقدر تحدده من احصائيات صفحتك علي الفيس بوك – ولو شركتك لسه جديدة يبقى لازم تجرب، أو تشوف المنافسين بيعملوا اي وتحاول تعرف الوقت اللي المنافسين يقوموا فيه بنشر المحتوي على وسائل التواصل الاجتماعي وتنزل في نفس الوقت أو وقت قريب من هذا الوقت، اضافة الي ان هناك العديد من الأدوات التسويقية المجانية والمدفوعة التي يمكن أن تساعدك في هذا الأمر، سواء في تحديد وقت النشر أو جدولة المحتوي لنشره في اوقات متعددة.

5- التقارير أو التحليلات:

وهنا انت بتعمل تقييم للخطة بتاعتك وده طبعا وفقا للهدف اللي انت كنت حاطه فوق .. وده بنسمية الـ KPIs يعني العامل اللي على اساسة بتقدر تقيس مدي نجاح الخطة التي تم تحديدة، فمثلا لو تتذكر في بداية المقال اخترنا الهدف زيادة المبيعات وبالتالي يكون هنا عامل القياس للخطة هو نسبة المبيعات، أما لو اخترت مثلا التفاعل فيكون عامل القياس هو مدي تفاعل العميل مع المنشور.في عوامل كتير ممكن تقيم عليها الأداء. أهمها طبعا اللي انت اختارتها وحطتها كجزء من الخطة بتعتك.ملحوظة: وطبعا الكلام ده كله هيترجم في شيت اكسيل – هتحط في القنوات التسويقية بتعتك، والمحتوى اللي هينزل على كل بلات فورم، والوقت، وطبيعة المحتوي اللي انت هتنزله هل فيديو هل صورة، وهتنزل يوم كام الساعة كام، ومين الشخص اللي هينزل البوست ده، واي هي الاداة إلى هيتم استخدمها لنشر هذا المنشور، واخيرا خانة للإحصائيات لما بعد نشر الفيديو.وفي نهاية المقال بتاعنا واللي اتكلمنا فيه علي طريقة عمل خطة تسويقية لوسائل التواصل الإجتماعي أو السوشيال ميديا، ومن المفترض إنك حاليا عندك القدرة على انشاء الخطة التسويقية وتحديد الأهداف وتقييم خطتك التسويقية. إن وفقت فهذا من الله وإن كان هناك خطأ فمني والشيطان.. في امان الله.قولنا في التعليقات هل كنت بتعمل كده ولا الدنيا ماشي حبيني كده! ولو شغال بس مش كده قولنا خطواتك بالترتيب كده.