أي هو الانبوند ماركيتنج أو التسويق الداخلي

أي هو الانبوند ماركيتنج أو التسويق الداخلي! في البداية وقبل ما نبدأ المقال بتاعنا واللي هنتكلم فيه عن الانبوند ماركيتنج خليني أرحب بيك وأقول لك أهلا بيك في سكوب حيث “المحتوى العربي – القيم – المجاني”.. ونبدأ المقال بتعنا بالإجابة علي سؤال مهم جدا وهو ماذا يعني مصطلح الانبوند ماركيتنج؟.

مفهوم التسويق الداخي أو الانبوند ماركيتنج

التسويق الداخي: هو طريقة لجذب الأشخاص وإشراكهم وإسعادهم لتنمية عمل تجاري يوفر قيمة ويبني الثقة. كلمة انبوند تعني في اللغة العربية الداخي أي (من الخارج إلي الداخل) وهي عكس كلمة أوت بوند التي تعني الصادر أو الخارج وتستخدم كلمة أوت بوند غالبا للتعبيرعن التسويق التقليدي، وعند دمج كلمة انبوند في التسويق يعطي مصطلح جديد يسمي بالانبوند ماركيتنج أو التسويق الداخي أي التسويق الذي ينتج عنه ثقة بين الشركة والعميل بحيث تدفع هذه الثقة العميل إلي البحث عن منتجات هذه الشركة. وممكن كمان نقول إن مفهوم الانبوند ماركيتنج راجع إلي إضافة قيمة حقيقية للعميل أو بمعني اخري هو إنك تفيد العميل بتاعك عن طريق المعلومات اللي بتقدمها له سواء شغال في مجال الـ B2B أو الـ B2C، وده طبعا بيتم من خلال المحتوي اللي انت بتقدمه ليه على الإنترنت. ولاحظ هنا أنا قولت الإنترنت بس ليه؟ ده لأن المصطلح ظهر بعد ظهور الإنترنت والسوشيال ميديا والمواقع الالكترونية والمدونات. ظهر مفهوم الانبوند ماركيتنج سنة 2009 من ابتكار 2 من المتخصصين و الباحثين في مجال الديجيتال ماركتنج و هما دارمش شاه و بريان هاليجان، وضعوا أساسيات هذه الاستراتيجية  وشرحوها في كتاب اسمه: التسويق الداخي: يمكنك العثور عليه باستخدام جوجل والوسائط الاجتماعية والمدونات. وهما مؤسسي شركة هب سبوت أحد أشهر الشركات التي تقدم أدوات وبرامج التسويق الرقمي منذ عام 2006. وعشان كده دائما بتلاقي علاقة وثيقة بين الانبوند ماريكتنج و صناعة المحتوي وده لأن الاثنين قائمين على تقديم قيمة حقيقية للعميل ومش هدفها البيع. وعشان أوضح ليك الموضوع أكثر خليني اعرض ليك مثال وهو كالتالي: ” شركة برمجيات – يعني بتصمم مواقع وبرامج وتطبيقات والذي منه .. بتقدم على شبكات التواصل بتاعتهم معلومات عن البرمجة والأمان وازاي تختار الدومين صح وإي الفرق بين الدومين والاستضافة وغيرها من المعلومات اللي تخص المجال، لو إنت بقي بتابع القنوات التسويقية دي هتستفيد كتير منهم لأنهم يقدمون معلومات قيمة و ببلاش مجانا يعني! هنا هتسأل نفسك طب هما بيعملوا كده ليه؟ والإجابة ببساطة هو إنهم لما بيعملوا كده بيخلو العميل يحس بالثقة والأمان من ناحية البرند وكمان بتحس ان الناس دي فاهمة شغلها كويس جدا، وبالتالي أول لما يكون محتاج يعمل موقع الكتروني أول شركة هتيجي في دماغه هي الشركة اللي كانت بتقدم ليه معلومات قيمة عن البرمجة وانشاء المواقع”.. أظن كده فهمت يعني اي الانبوند ماركيتنج أو التسويق الداخي.

مراحل الانبوند ماركيتنج:

طبعا عشان تخلق الثقة دي بين البراند بتاعك وبين العميل لازم تمر بالمحتوى بتاعك على عدد من الخطوات واللي في نفس الوقت هتساعدك تبني الثقة دي، والخطوات دي كالتالي: 1- جذب والمرحلة دي بتقول ازاي تحول شخص من الفئة المستهدفة من شخص لايعرفك إلى زائر لموقعك أو حساباتك علي السوشيال ميديا. وده بيكون من خلال تقديم محتوي مفيد وقيم لهذا الشخص بحيث يتحول من مجرد زائر عادي الي شخص متفاعل. وأهم الأدوات اللي هتساعدك في المرحلة دي هي: التدوين – وسائل التواصل الإجتماعي – السيو. 2- تحويل: وفي المرحلة دي أنت بـ تحوَل الزائر ده لعميل محتمل، أو بمعني أخر بتحوله إلى شخص متفاعل مع المحتوي اللي انت بتقدمه وده بيتم من خلال تقديم قيمة حقيقية لهذا الزائر مثل كتاب الكتروني مفيد أو كورس مجاني أو استضافة مجانية لفترة معينة. أهم الادوات اللي ممكن تساعدك في المرحلة دي، هي: صفحات الهبوط، ودعوة لاتخاذ اجراء، والفورم. 3- الاغلاق: ودي المرحلة الثالثة واللي فيها بتركز علي ازاي تحوًل العميل من عميل محتمل إلى عميل حقيقي؟، وهو ببساطة تحويل الليد الى زبون او عميل، وده بيتم من خلال العديد من الأدوات التي تحث العميل على التعامل مع شركتك.. مثل أن ترسل لشريحة معينة من العملاء عرض استشارة مجانيـة على سبيل المثال. وبمعنى آخر تحويل عميل محتمل قادر على الشراء إلى عميـل يريد الشراء وهنا تبدأ مهمة المبيعـات. ومن أهم الأدوات اللي هتسعدك في المرحلة دي هو التسويق باستخدام الايميل ماركتنج. 4- البهجة: أخيرا كيف تجعل عملك سعيداً، أو بمعنى اخر كيف تجعل عميلك راضي عن الخدمات التي قدمتها له وايضا خدمات ما بعد البيع. وكمان خلينا نقول إن الادوات الهامة لتحقيق النجاح في هذه الخطوة هي تنفيذ جميع الخطوات السابقة.

مميزات استخدام الانبوند ماركيتنج

توجد عدة مزايا تتحقق من اتباع استراتيجية التسويق الداخلي أو الانبوند ماركيتنج 1- قلة التكلفة: أول هذه المزايا هي التكلفة المنخفضة التي تحتاج الشركة إلى إنفاقها على ذلك النوع من التسويق، ويتضح هذا الأمر بسهولة عند مقارنة ذلك بالتكاليف التي يتطلبها الاستثمار على وسائل الإعلام التقليدية مثل التلفاز والراديو. استناداً إلى دراسة نشرها “موقع ماشبيل” يمكن أن تكون تكلفة استراتيجية التسويق الداخلى أقل بنسبة 62% من التسويق التقليدي، على اعتبار أن التكلفة الوسطية لاقتناء العميل في الانبوند ماريكتنج تبلغ حوالي 135 دولار، بينما في التسويق التقليدي تبلغ حوالي 346 دولار. 2- سهولة وسرعة الوصول إلى عميلك: إن محتوى التسويق الداخي له فرص أكبر كي تتم مشاركته مع آخرين، حيث يعمل على حل مشكلة المستخدم  ومن خلال ذلك، يصل النص الذي تكتبه أو الفيديو إلى جمهور أكبر، وجمهور ربما لم يكتشف من قبل مدونتك عبر الأوساط الأخرى. 3- إمكانيات تحويل العملاء إلى متابعين ومحبين لعلامتك التجارية. ودي أمثله لشركات استخدمة الانبوند ماريكتنج بشكل لطيف وحققة معاهم نتائج مذهله جدا

• شركة مونزا: هي شركة تقدم خدمات مصرفية رقمية تعتمد فقط على تطبيق جوال قابل للتنزيل. إنهم يفخرون بالحلول المصرفية المفيدة وغير المعقدة التي يمكنك بسهولة تتبعها باستخدام هاتفك الذكي.
• شركة انوسينت: هي شركة مشروبات، معروفة بقوة الصورة الذهنية للعلامة التجارية، وتستخدم تون مميز جدا ومرح في المحتوى بتاعهم.
• وشركة بينغ و بابيش: شركة متخصصة في الطعام، مع العلم إنها بدأت كقناة يوتيوب تنشر فيديوهات لهواة الطبخ.
• شركة شوبيفاي: منصة للتسويق عبر الانترنت و التجارة الالكترونية زاشهر مواقع الدروب شيبنج في العالم.
• شركة ماي بروتين

وفي نهاية المقال بتعنا واللي اتكلمنا فيه عن التسويق الداخلي أو الانبوند ماريكتنج و أتمنى إني أكون وضحت المقصود بالتسويق الداخلي أو الانبوند ماركيتنج وعرفنا أهم المراحل لتطبيق استراتيجية التسويق الداخلي وكان اهم مميزات التسويق الداخلي واخيرا بعض الامثلة لبعض الشركات اللي استخدمة التسويق الداخلي أو الانبوند ماركيتنج بشكل حقق نتائج ممتازة. وإن وفقت فمن الله وإن كان هناك خطأ فمني والشيطان.. لو عندك استفسار سيبة في تعليق تحت المقال، لو معندكش قولنا رأيك في تعليق.