في البداية وقبل ما نبدأ المقال بتاعنا واللي هنتكلم فيه عن البرند ايدنتتي خليني أرحب بيك وأقول لك أهلا بيك في سكوب حيث “المحتوى العربي – القيم – المجاني”.. ونبدأ المقال بتعنا بـ الإجابة علي سؤال مهم جدا وهو ماذا يعني مصطلح البراند أيدنتتي؟.

ما المقصود بـ هوية العلامة التجارية أو البراند ايدنتتي؟

البراند ايدنتتي هي هوية العلامة التجارية وهي الصورة الذهنية المرسومة عن البراند (الشركة أو المنتج) في أدمغة العملاء، والتي تمثل جودة الشركة وشخصيتها التجارية وهي جزء من البراند الخاص بالشركة، والتي تظهر في شكل اللوجو، والبزنس كارد، وصوت العلامة التجارية، والموسيقي، والألوان، وحتى الزي الرسمي. وهناك فرق بين مصطلحات “الهوية التجارية و الشعار و العلامة التجارية، هي: العلامة التجارية: وبالانجليزية تعني البرند وهي الصورة و الإنطباع الذي تعكسه الشركة أو المؤسسة ككل، وتتضمن الهوية التجارية والشعار ( كل حاجة البيزنس ممكن يقدمها ) الشعار: وبالانجليزية يعني اللوجو  والشعار يُعرف المشروع التجاري أو المؤسسة في أبسط أشكالها من خلال استخدام علامة أو رمز ( الشكل اللي من خلاله بنعرف البراند ) الهوية التجارية: ويطلق عليها أيضا مصطلح الهوية البصرية وبالانجليزية تعني ايدنتتي ويقصد بها الجوانب البصرية التي تشكل جزءا من إجمالي العلامة التجارية ( اي حاجة ممكن نشوفها زي اللوجو و الألوان و التغليف.. )

مكونات البراند أو العلامة التجارية:

يتكون البراند أو العلامة التجارية من مجموعة من العناصر، هي: 1- اسم البراند: وهو عبارة عن الكلمة أو الكلمات ( مجموعة الأحرف) التي تعبر عن البراند، وينصح أن يكون الأسم معبر بإيجابية عن البراند وسهل النطق والكتابة وأن لا يكون طويلا. 2- الهوية البصرية: وكما ذكرنا سابقاً أي شيء يمكن رؤيته، مثل:

• اللوجو أو الشعار.
• الألوان: أي الألوان المستخدمة في صناعة البراند سواء في اللوجو أو التصميمات، ومنها نوعين ( ألوان باردة و ألوان دافئة ).
• التعبئة والتغليف: يقصد بها المُغلفات التي تعبء فيها المنتجات ( زي الكرتونة بتاع المنتج و الكيس والقزازة
• الخط: يقصد به ( نوع الخط ) المستخدم في كتابة البرند سواء في اسم البرند أو التصميمات، مثال ( لوجو كوكاكولا و بيبسي و دوف )

3- السلوجان: هي جملة قصيرة وبسيطة تستخدمها الشركات كشعار للبراند، مثال لـ قطونيل ( القطن بيتكلم مصري ) 4- الأشكال: هي عنصر قوي جداً بجانب اللوجو تساعد علي تحقيق الصورة الكاملة للبراند أو المنتج، مثال: الأشكال أو القوالب المستخدمة في التصميميات وخاصة تصميمات السوشيال ميديا ( بتحتاج تعمل شكل واحد أو عدد من الأشكال الثابتة في تصميميات السوشيال ميديا بحيث الشخص أول لما يشوف التصميم يعرف البراند بدون حتى ما يبص في اللوجو ) وأيضا شكل المنتج مثال: قزازة كوكاكولا 5- صوت البراند: طريقة كتابة المحتوي الخاص بالبراند ( اتكلمنا عنه في مقال سابق شوفه من هنا ) 6- وهناك مكونات أخري منها: الأصوات أو الموسيقي، الرائحة، الطعم، والملمس.

مصطلح انعدام الهوية: تعني أزمة ثقة بين البائع ( البراند أوالشركة أو المنتج ) والمشتري ( الشخص الذي يشتري البرند ).

أنواع البراندأو أنواع العلامة التجارية:

للبراند أنواع عديدة منها: 1- البراندات الفردية: 2- البراندات الخاصة بفرد أو شخص. ملحوظة: البراندات الخاصة: يقصد به البراند الفردي سوأ كان منتج أو فرد – أما البراند الشخصي فهو البراند المرتبط بشخص حقيقي ( إنسان ). 3- البراندات الخدمية 4- البراند الخاصة بالمنظمات

الفرق بين البراند وبعض المصطلحات:

البرند: هو الإنطباع الذهني في عقول الناس عن المنتج أو الشركة أو المؤسسة البرندنج: عملية بناء هذا الإنطباع الذهني عن الشركة او المؤسسة في عقول الناس. المنتج:  هو المنتج الذي يتم تصنيعه وبيعه. الولاء للعلامة التجارية: مثال ولاء عملاء شركة Apple لمنتج الايفون رغم ارتفاع تكلفته. القيمة السوقية للشركة: على سبيل المثال ، تبلغ القيمة السوقية لشركة Apple 233.7 مليار دولار. أقرأ ايضاً: مقال عن النيوس جاكيتنج واصطياد الاخبار

أمثلة لبعض العلامات التجارية الناجحة:

1- شركة أبل 2- ماكدونالدز ( وجبات سريعة ) 3- كنتاكي ( وجبات سريعة ) 4- مايكروسوفت ( للبرمجيات ) 5- تسلا  ( للعربيات ) 6- جوجل 7- الفيس بوك

” ناخد فودافون كمثال معانا التركيز الأساسي لشركة فودافون كشركة بريطانية الاصل وعالمية انه تحاول تبين قوتها كشركة و كمان شبكة في تحقيق التواصل بين العملاء حول العالم و تحاول تساعدهم من خلال المنتجاتها و الخدماتها و الأنشطه اللي بتقدمها واللي هتساعد علي تحسين نوع الحياة للإنسان و الحفاظ على هذا المستوى فيما يعرف بالاستدامة. وبالنسبة للرؤية بتاعت فودافون: بتقولـ “مزايا فودافون و قيمها تعتمد على القوة و الثقة و النجاح و التطوير و يُعتمد عليها” . طيب نشوف بيحاولوا يوصلوا ده ازاي الشعار: وهو القوة بين ايديك. اللون الرئيسي للشركة: اللون الأحمر بيرمز للقوة و الطاقة و النجاح و الإلهام اللوجو : عبارة عن دائرة و تعبر عن الاتحاد والتكامل . المنتجات و الخدمات: والمفروض كمان ان كل ده يكون مصحوب بشبكة قوية جدا و خدمات تعبر عن القوة و النجاح. الاهتمام بالمجتمع والمسئولية المجتمعية و أخيرا شكل الاعلانات و الدعاية بشكل عام متناسقة مع الفكرة

وفي نهاية المقال واللي اتكلمنا فيه عن البراند أيدنتتي أتمنى إني أكون وضحت المقصود بالعلامة التجارية وعرفنا أهم أنواع البراند والفرق بين البراند والأيدنتتي و الشعار وكمان أهم مكونات البراند والأمثلة لبعض الشركات اللي استخدمت البراند ايدنتتي بشكل حلو. وإن وفقت فمن الله وإن كان هناك خطأ فمني والشيطان.. لو عندك استفسار سيبه في تعليق تحت المقال أنا هرد عليك، ولو معندكش قولنا رأيك في تعليق.