السلام عليكم، واهلا بيكم في سكوب حيث المحتوى العربي .. القيم .. المجاني. هنتكلم في هذا المقال عن التيك توك بزنس، وهنشرح بالخطوات الطريقة الصحيحة لانشاء مدير أعمال التيك توك أو ما يسمي بالتيك توك بزنس.
طريقة انشاء مدير اعمال التيك توك
هنتعرف في هذا المقال علي طريقة انشاء مدير اعمال التيك توك، ولكن في البداية خليني اقولك ما هو مدير اعمال التيك توك؟ هو اداة تقدر من خلالها تدير شغلك كله علي التيك توك من مكان واحد ودي هتفيد جدا شركات الميديا وشركات الدعايا والاعلان – ولو تعرف مدير اعمال الفيس بوك ف يعتبر نفس الفكرة وتقريبا نفس التصميم مع اختلافات بسيطة هنتعرف عليها في هذا المقال.وخلينا نبدأ: أول خطوة لانشاء مدير اعلانات التيك توك هو اننا هنخش علي الرابط ده “رابط مدير اعمال التيك توك” ومن ثم سوف تظهر لنا هذه الصورة.
انشاء حساب علي التيك توك بزنس
بعد الضغط علي الرابط بتظهر لنا الصورة دي، وهنا هيكون عندك خيارين لانشاء الحساب إما من خلال رقم تليفون أو من خلال البريد الالكتروني.في المقال ده هنختار نعمله من خلال البريد الالكتروني، وهنا هتكتب بياناتك كالتالي:
البريد الالكتروني
كلمة السر : ويشترط تكون بين 6 الي 20 حرف وتحتوي علي ارقام وايضا تحتوي علي واحد علي الاقل من الحروف الخاصة ودي زي علامة الهشتاج # أو علامة @ أو علامة تعجب .. الخ
بعدين بتضغط علي ارسال الكود – بيبعت لك كود علي الايميل – بتكتب الكود وبعدين بتدوس التالي.بتظهر لك الصورة دي:
ادخال بيانات الحساب البزنس
وهنا بنكتب البلد و المنطقة والعملة والمجال و اسم حساب البزنس ورقم التليفون و بعدين نضغط علي تسجيل ومتنساش توافق علي الشروط.بعدين بتفتح لنا الصفحة دي:
اضف بيانات الشركة
هنا انت بتدخل بيانات الشركة من الموقع و بيانات الدفع ( العنوان: البلد والمحافظة والمنطقة) وبعدين تختار طريقة الدفع – وهنا بتختار بين طريقة الدفع اليدوية و طريقة الدفع التلقائية أو الاتوماتك.
طريقتين لانشاء اعلان ممول
والفرق بينهم موجود بالفيديو تحت المقال.
وبعدين نضغط علي التالي : بتظهر لنا الصورة دي:
ادخل اسم مدير الاعمال والمنطقة الزمنية
وفي هذه الصورة بتكتب اسم حساب البزنس تبعك – وهنا اسم البزنس سنتر أو الحساب الرئيسي اللي هتدير منه كل شغلك واللي بيكون في كل حساباتك الاعلانية، وبعدين بتختار المنطقة الزمنية وتختار صورة للحساب البزنس تبعك واخيرا بتدوس علي انشاء – واختيار الصورة بيكون اختياري يعني ممكن تتخطي الخطوة دي.وبكدا انت عملت حساب اعمال التيك توك أو حساب البزنس علي التيك توك – وده بيكون الشكل بتاعه:
الداش بورد الخاص بحساب الاعمال
وبيكون مقسم الي اقسام كما بالصورة، ولو لحظة بتلاقية شبيه بالفيس بوك بزنس أو حساب الاعمال علي الفيس بوك – وبيكون مقسم الي 5 اقسام أساسية هما كالتالي:
نظرة عامة عن الحساب
المستخدمين: وتشمل: الاشخاص و حسابات الشركاء
الاصول: وتشمل: الحسابات الاعلانية و الجمهور
الانشطة
اعدادات حساب اعمال التيك توك
وهذا شرح مفصل لكل نقطة:أولا: نظرة عامة: وهنا بيكون في نظرة عامة علي الحساب بمعني تقدر تشوف مجموعة بسيطة من النتائج والتحليلات الخاصة بالحملات الاعلانية اللي انت عملتها علي الحساب الاعلاني – فتقدر مثلا تشوف حجم المبيعات أو عمليات التحويل، واجمالي المبلغ اللي انت صرفته، وعدد المشاهدات التفاعلات على المنشورات بتعتك، وشوية تفاصيل تانية..
اضافة اصول الي حساب البزنس
ثانيا: المستخدمين، وتشمل:
الاشخاص: وهنا تقدر تضيف حساب يدير معاك الحساب البزنس ويعمل اعلانات ويشوف الاحصائيات، كما هو الحال في الفيس بوك بزنس.
الشركاء: وده في حالة إن في شخص تاني عنده حساب بزنس فتقدر تضيفة كشريك في الحساب البزنس بتاعك، أو بمعني اخري بتضيف الحساب البزنس على الحساب بتاعك سواء انت اللي هتعمل الاعلانات أو العكس انت شركة ومحتاح حد يعمل لك اعلانات.
ثالثا: الاصولوهنا المقصود بيها الحسابات الاعلانية الموجده علي مدير اعمال التيك توك، يعني الحسابات الاعلانية اللي انت ادمن عليها وتقدر تستخدمها لعمل اعلانات ممولة سواء الحسابات دي بتعتك أو لشركات اخري وأنت فقط تقوم بانشاء الاعلانات لهذه الشركات.
اعدادات مدير الاعمال علي التيك توك
واخير: الاعدادات :وهنا بتظهر اعدادات حساب اعمال التيك توك واللي تقدر تتحكم فيها وتعدلها في اي وقت، زي مثلا تقدر تعدل الأسم وبيانات الحساب تبعك.وألى هنا إنت كدا عملت حساب أعمال علي التيك توك واصبح بامكانك تدير شغلك كله من خلال منصة واحدة وهي التيك توك بزنس، متبقي انك تعمل حساب اعلاني علي التيك توك وتربطه بحساب مدير اعمال التيك توك وتضيف وسيلة الدفع وتعرف ازاي تعمل الاعلان – وده اللي هنعرفة في المقال القادم ان شاء الله.وده فيديو بيشرح طريقة انشاء حساب اعمال علي التيك توك بشكل مفصل بحيث لو في حاجة مش واضحة في المقال تقدر تشوفها في الفيديو.
https://youtu.be/iMybMZC6ZRM
بالخطوات انشاء حساب اعمال علي التيك توكوفي نهاية المقال بتاعنا واللي اتكلمنا فيه عن ازاي تعمل حساب أعمال علي التيك توك بالخطوات – اتمني المقال يكون فيه افاده ليكم – وان وفقت فمن الله وان كان هناك خطأ فمني والشيطان – لو عندك سؤال سيبه في تعليق وأنا هرد